Skip to content

O Castro de Besomaño en El País

No xornal El País, edición Galicia aparece hoxe unha pequena reportaxe de Víctor Honorato sobre as nosas escavacións arqueolóxicas no Monte do Castro.

Fotografía de Carlos Puga.

A conferencia sobre o monte do Castro de Ribadumia [vídeo]

by

[blip.tv ?posts_id=5058535&dest=-1]

Aquí podes ver completa a conferencia que Roberto Aboal e Rafael M. Rodríguez impartiron na Casa de Cultura de Ribadumia o pasado 12 de abril explicando a escavación do monte do Castro.

Unha mañá arqueolóxica do máis completa

Onte un grupo de escolares do IES de Cotobade, de 1º e 2º de ESO,  compartiu con nós unha mañá arqueolóxica. Primeiro fomos de visita ao Campo da Lanzada, onde xa finalizaron os traballos, e o xacemento se atopa acondicionado para as visitas con paneis explicativos. Despois, trasladámonos a Monte do Castro, onde puidemos ver ao equipo en pleno traballo de escavación e tivemos a oportunidade de falar con membros do equipo arqueolóxico coma Virginia e Elena, cos directores da escavación Roberto e Rafael, con Anxo o delineante e con Xan o restaurador.  Gracias a elas e a eles enterámonos en tempo real das últimas novidades e incluso puidemos ver e tocar pezas de cerámica castrexa que acababan de atopar na escavación.

O xacemento da Lanzada xa conta con paneis explicativos

Esta semana, no Campo da Lanzada, colocáronse paneis explicativos que nos contan a historia do xacemento e os achados da campaña de escavación que levamos a cabo o pasado verán. Tamén se colocou un valado para delimitar a área arqueolóxica na que se levou a cabo a intervención. Animámosvos a facer unha visita.

Primeira visita guiada en Monte do Castro

O martes 12 de abril os escolares do Colexio Abrente viñeron a visitar Monte do Castro. Estes rapaces e rapazas de 5º e 6º de Educación Primaria visitaron no mesmo día e por segunda vez A Lanzada, foran o segundo colexio que nos visitou na Lanzada en 2010 e nesta segunda visita sorpendeunos a cantidade de cousas que recordaban, xa case nos guiaban eles a nós.

Unha mañá arqueolóxica, percorrendo un pouco da nosa historia na Lanzada e en Monte do Castro.

Charla sobre Monte do Castro na Casa da Cultura de Ribadumia

Roberto Aboal e Rafael Martínez, contáronnos onte, na Casa da Cultura de Ribadumia, como se esta a levar a cabo a escavación arqueolóxica en Monte do Castro, ademais coñecimos as últimas novas e importantes achádegos que agochaba Monte do Castro.

Deixámosvos o powerpoint da charla:

Charla Ribadumia

Coñece Monte do Castro dun xeito único

Durante toda a campaña de escavación e restauración en Monte do Castro (Ribadumia), podes vir a visitarnos. Temos o xacemento aberto ao público, de xeito gratuito levamos a cabo visitas guiadas nas que podes ver como se desenvolve realmente o traballo nunha escavación, e informámosche das novidades e descubrimentos en tempo real.

Só tes que chamar ao 600940133 e concertar a visita para os meses de abril e maio.

Na procura dos púnicos

A área arqueolóxica d’A Lanzada é un deses espazos  que está a ser protagonista dunha fonda revisión das dinámicas históricas que aconteceron ao longo da 2ª Idade do Ferro no NW peninsular. O rexistro exhumado nas campañas antigas e na nosa de 2010 abre interesantes camiños para a investigación sobre as relacións co mundo cartaxinés, xunto con outros xacementos como Montealegre (Moaña, Pontevedra), Castro Grande de Neixón (Boiro, A Coruña) ou Alobre (Vilagarcía de Arousa, Pontevedra). De todo isto falamos no VI Coloquio Internacional del Centro de Estudios Fenicios y Púnicos (Sevilla, 30 de setembro, 1- de outubro e 2009) cunha comunicación titulada Buscando a los púnicos en el Noroeste. Nuevas aproximaciones a la presencia mediterránea en Galicia y el Norte de Portugal durante la Edad del Hierro. Estes días acaban de saír publicadas as actas do congreso. O noso artigo podedes consultalo no apartado de produción científica.

González Ruibal, A.; Rodríguez Martínez, R. e Ayán Vila, X. M. 2010. Buscando a los púnicos en el Noroeste. Mainake, XXXII(I): 577-600. Málaga.

Buscando a los púnicos

Fotografía:  Vaso coa indicación das distancias entre Roma e Cádiz. Vicarello (Italia). Século I a. C.  Reprodución no Museu d’Història de Catalunya.

Charla en Ribadumia sobre os traballos de Monte do Castro

 

Noticias sobre o roubo en Monte do Castro

Atlántico.net

Diario de Pontevedra

La Voz de Galicia

La Región