Skip to content

Como era unha casa en Monte do Castro nos séculos II e I a. C.?

by o 23 Marzo 2011

No sector N da área de escavación, apareceu esta cabana de 5 m de diámetro, na que se identificaron os restos dun pavimento, unha lareira e un burato de poste de gran tamaño cos calzos. A partir dos materiais cerámicos que se atoparon nela, podemos dicir que estivo habitada entre os séculos II – I a. C. Nesta cabana, maioritariamente recuperáronse recipientes de cociña, máis concentrados na metade S, mentres que no cuadrante NE apareceron recipientes de almacenaxe. Ademais atopáronse varias fusaiolas de cerámica, así como unha man de muíño, uns elos pequenos de bronce dalgún tipo de adorno, un fragmento dunha agulla de bronce e unha fíbula anular de aro interrompido, tamén de bronce.

Vista da lareira.

Detalle das dúas fusaiolas recuperadas ao carón da lareira.

Detalle do burato de poste, no que se poden ver os calzos (pedras que se colocaban entre o burato e o poste de madeira, e que axudaban a calzalo). Tanto o burato como os calzos son de gran tamaño, necesarios para soportar o teitume da cabana.

Advertisements

Os comentarios están pechados.

%d bloggers like this: