Show must go on

Un día precioso n’A Lanzada. A luz outoniza define con nitidez a illa de Ons, a Xiradella, o propio Campo d’A Lanzada. Apenas corre o vento tras os primeiros temporais, pero o viruxe faise sentir dabondo, na faciana e nas mans dos compañeiros da Brigada nº 6. Estes homes e mulleres deixaron momentaneamente os tempos de viño e rosas da fase de escavación, con eses achados emocionantes, para pasar a seren albaneis cualificados nesta nova fase de consolidación. Estes traballos están dirixidos por Yolanda Porto e Antonio Abad. Show must go on.