Costureir@s do pasado

O tempo outonizo incita á reflexión. Este día de choiva é aproveitado polo equipo técnico para organizar as vindeiras semanas de traballo. A primeira fase da intervención arqueolóxica rematará o 17 de setembro, polo que xa estamos a planificar a seguinte fase de restauración da área arqueolóxica e de divulgación e difusión social dos resultados. Estamos nese intre no que comezamos a tirar do fío do rexistro arqueolóxico, cosendo datos de aquí e acolá, tecendo contextos e interpretacións. A Arqueoloxía é unha fermosa agulla para coser o tempo, pero a súa eficacia depende dos arqueólogos e arqueólogas, es@s costureir@s do pasado.