Voda n’A Lanzada

Cada día na escavación d’A Lanzada vivimos unha auténtica aventura. Onte tivemos unha visita moi especial. Unha xove parella recén casada en Portonovo fixo unha parada na escavación de camiño ao banquete de vodas n’O Grove. Con eles viña un escavador histórico  d’A Lanzada, un deses alumnos do Instituto de Pontevedra que nos anos 60 colaboraba co Museo de Pontevedra daquela. Por un día fixemos de fotógrafos de voda. Emocionante e pola súa vez abraiante.