Estamos na pomada

O punto forte do noso proxecto é a implicación da comunidade local de Noalla, o alicerce básico para a patrimonialización verdadeira do campo da Lanzada. O equipo arqueolóxico entrou no mercado dos símbolos e dos referentes parroquiais, tentando comunicar a súa mensaxe. A nosa presenza nas marquesinas dos autobuses, nas farolas, ao carón das esquelas, dos pósters de orquestras anunciando as festas, non deixa de resultar simpático. Por certo, aproveitamos para anunciar as festas da Virxe do Carme.