Paisaxe dunar ou lunar?

Contra vento e marea imos facendo na escavación d’A Lanzada. Como diciamos, rematamos a limpeza total do sector e comezamos a  escavar de verdade. Aquí vos vai unha secuencia fotográfica (gracias Cris) na que podedes ver esa paisaxe lunar concentrada en 960 metros cadrados de escavación, que non está nada mal. Hoxe xeorreferenciaremos coa estación total o contorno das estruturas arquitectónicas para levar a cabo unha primeira planimetría que nos axude a solventar todo este galimatías.